Grüezi metenand!

Mer stellid üs vor! Ech be de Csaba ond en waschächte Ungar! Mini Frau Angela esch en waschächti Schwiizeri. Darom send üsi Baumstriezel so speziell, wöu de Teig mit ungarischem Charm und mit schwiizer Qualität zuebereitet werd!

Gärn verköschtiget mer üch met üsne feine Baumstriezel. De feini warmi Hefeteig chamer met Cocosstrüüsel, Zimt-Zucker, Schoggipolver ond Haselnusskrokant gnüsse. Nor be üs: Feini Chääs Baumstriezel us Schwiizer-Chääs.

Mer dörfiid mit Stolz mitteile, dass mer im Johr 2020 üs vergrössered hend ond neu, parallel a mehrere Märkt, sowie a chlinere ond grössere Fäschtli dörfid teilnäh! Mer begrüessed üch härzlech i üsem neue Baumstriezel-Hüüsli. Mer send einzigartig i de Schwiiz ond met de neuschte Technik usgröstet. Qualität, Fröschi, ond e Portion Humor vom Csaba lid üs am Härze!

Mer freued üs, euch au im 2021  mit üsne feine Baumstriezel dörfe z'verwöhne:)

Csaba der Striezelkönig mit Angi....mit Liebe gemacht:)